Kanë përfunduar të gjitha ndeshjet e javës së 15-t në Superligën e Kosovës në futboll, ku nuk kanë munguar befasitë.

Derbin e kësaj jave mes Dritës dhe Ballkanit e fituan suharekasit me rezultat 2-3, shkruan Arbresh.info.

Fitore të madhe shënoi sot edhe Dukagjini në udhëtim tek Llapi, 0-1.

Ndërsa serinë e fitoreve e vazhdoi edhe Malisheva e cila mposhti në udhëtim Ferizajn, 0-2.

Në takimet e luajtura dje, ishte befasia më e madhe e kësaj xhiroje, ku Prishtina e Re e mposhti Prishtinën 4-1 dhe e rrëzoi nga liderishipi.

Kurse e vetmja sfidë që nuk prodhoi gol ishte ajo mes Drenicës e Gjilanit e cila u mbyll 0-0.

Pas këtyre rezultateve në Superligë ka një lider të ri dhe është Ballkani me 26 pikë aq sa ka edhe Prishtina e Dukagjini. E katërta renditet Drita me tri më pak.

Pozitën e pestë pas kësaj jave e mban Malisheva me 22 sosh, kurse Llapi është i gjashti me 20.

Gjilani është i shtati me 19 pikë, dy më pak ka Drenica e cila pozicionohet e teta, telsa i nënti është Ferizqj me 15 sosh.

Renditjen tabelare e mbyll Prishtina e Re me 14 pikë të grumbulluar pas 15 xhirosh./Arbresh.info